ABŞ və Ukrayna arasında Floridada keçirilən danışıqlar başa çatdı, — CNN xəbər verib. Orada dəqiqləşdirilib ki, ABŞ dövlət katibi Marko Rubio jurnalistlərin qarşısına çıxıb.
Materialda qeyd olunur ki, görüş ABŞ prezidentinin xüsusi nümayəndəsi Stiv Uitkoffun Floridadakı Shell Bay qolf-kurortunda keçirilib. Danışıqlarda ABŞ tərəfini Uitkoffla yanaşı Rubio və ABŞ prezidenti Donald Trampın kürəkəni Cerəd Kuşner təmsil edib.
Məlumata görə, tərəflər seçki cədvəlini, Rusiya ilə Ukrayna arasında ərazilərin mübadiləsi imkanını və digər məsələləri müzakirə ediblər. KİV yazır ki, Amerika nümayəndə heyətindən “müəyyən təzyiq” hiss olunub və söhbətlər asan keçməyib.
