Amerikalı milyarder İlon Mask Avropa İttifaqının komissarlarını “Avropanı öldürməkdə” günahlandırıb.
Bu barədə o, sosial şəbəkə X-də paylaşım edib.
«Komissarlar Avropanın öldürülməsinə görə cavabdehdir», — deyə Mask bildirib.
Bir neçə gün əvvəl iş adamı Aİ-nin ləğvini və hakimiyyətin birbaşa xalqlara qaytarılmasını tələb etmişdi.
Qeyd edək ki, yay aylarında Mask Aİ-dən çıxmağın zəruriliyi barədə də fikir səsləndirmişdi. O vaxt o, başqa bir istifadəçinin “İREXIT” – İrlandiyanın Avropa İttifaqından çıxması barədə paylaşımını şərh edərək, “bütün ölkələr Aİ-dən ayrılmalıdır” fikrini irəli sürmüşdü.
