İranın xarici işlər naziri Abbas Araqçi bildirib ki, ABŞ regionda yerləşən ərəb ölkələrinə təhlükəsizlik zəmanəti verməkdə acizdir və əksinə, onları real təhlükə altına salır. Bu barədə o, İd əl-Fitr (Ramazan bayramı) münasibətilə müraciətində deyib.
TASS-ın məlumatına görə, nazir qeyd edib ki, son həftələr Vaşinqtonun prioritetinin qonşu ölkələrin təhlükəsizliyi deyil, yalnız İsrailin maraqları olduğunu açıq şəkildə göstərib.
“ABŞ yalnız qonşu ölkələrin təhlükəsizliyini təmin edə bilmir, həm də onların etimadından sui-istifadə edərək onları təhlükə altına qoyur”, – deyə Araqçi bildirib.
Bu fonda o vurğulayıb ki, müsəlman ölkələrinin liderləri İrana qarşı aqressiyanı yalnız sözlə deyil, real addımlarla da rədd etməlidirlər.
Nazir əlavə edib ki, onun fikrincə, ABŞ və İsrailin hazırkı hərəkətləri təkcə İrana deyil, bütün regiona və islam dünyasına yönəlib.
“Sükutun və ya onlarla əməkdaşlığın gələcəkdə təhlükəsizlik təmin edəcəyi fikri sadəlövhlükdür”, – deyə Araqçi qeyd edib.
