Dəniz səviyyəsinin yüksəlməsi və sahilyanı ərazilərdə daşqınların daha tez-tez baş verməsi dünyanın bir çox böyük şəhəri üçün təhlükə yaradır.
“Swiftest” şirkətinin həmtəsisçisi Matthew H. Nash tərəfindən hazırlanan araşdırmaya görə, lazımi tədbirlər görülməzsə, 26 şəhər qarşıdakı 100 il ərzində ciddi su basqınları ilə üzləşə bilər. Bəzi ərazilərin isə yaşayış üçün yararsız hala düşməsi ehtimal edilir.
Araşdırmada Türkiyənin iki böyük şəhərinin də adı çəkilib. İstanbul risk siyahısında 5-ci, İzmir isə 6-cı yerdə göstərilib.
Hər iki şəhərin sahilyanı ərazilərinin dəniz səviyyəsinin yüksəlməsi və mümkün daşqınlardan təsirlənə biləcəyi qeyd olunub.
NÖVBƏTİ 100 İLDƏ RİSK ALTINDA OLAN 26 ŞƏHƏR
Araşdırmada aşağıdakı şəhərlərin adı yer alıb:
-
Amsterdam – Niderland
-
Honolulu – ABŞ
-
Dublin – İrlandiya
-
Yeni Orlean – ABŞ
-
Kopenhagen – Danimarka
-
Əbu-Dabi – Birləşmiş Ərəb Əmirlikləri
-
Vankuver – Kanada
-
Dubay – Birləşmiş Ərəb Əmirlikləri
-
Lissabon – Portuqaliya
-
Boston – ABŞ
-
Sidney – Avstraliya
-
İsgəndəriyyə – Misir
-
Mayami – ABŞ
-
San-Fransisko – ABŞ
-
Hoşimin – Vyetnam
-
Dəkkə – Banqladeş
-
London – Böyük Britaniya
-
Cakarta – İndoneziya
-
Banqkok – Tailand
-
Kəlkətə – Hindistan
-
İzmir – Türkiyə
-
İstanbul – Türkiyə
-
Osaka – Yaponiya
-
Nyu-York – ABŞ
-
Mumbay – Hindistan
-
Tokio – Yaponiya
Araşdırmada bildirilir ki, bəzi şəhərlərdə sahillərin mühafizəsi və daşqınların qarşısının alınması üçün layihələr həyata keçirilir. Digər şəhərlərdə isə zəruri tədbirlərin görülməsində çətinliklər yaşanır.
Mütəxəssislər iqlim dəyişikliyi nəticəsində dəniz səviyyəsinin yüksəlməsinin xüsusilə əhalisi sıx olan sahilyanı şəhərlər üçün uzunmüddətli risk yaratdığını vurğulayırlar.
