Rusiyanın İsilkul Şəhər Məhkəməsi dörd Azərbaycan və 1 Özbəkistan vətəndaşı barəsində iki ay müddətinə həbs qətimkan tədbiri seçib.
Den.az yerli mediasına istinadla bildirir ki, həbs olunanlar qanunsuz miqrasiyanın təşkilində şübhəli bilinən Emil İdris oğlu Yusublu, o cümlədən Vüqar Boyqaq oğlu Cəbrayılov, Roman Etibar oğlu İsmayılov, Elnur Bəkir oğlu Hüseynov və Güllolə Erkinovna Botırovadır.
Omsk vilayət məhkəməsinin rəsmi məlumatında qeyd olunub ki, Rusiya Federasiyasının dövlət sərhədini qanunsuz keçərkən saxlanılan əcnəbilər nəzarətə götürülüb. Təqdim olunan materiallardan belə məlum olub ki, 2024-cü il dekabrın 29-da İsilkul rayonunda 39 yaşlı Azərbaycan vətəndaşı üç nəfərin Qazaxıstan ərazisindən Rusiyaya qanunsuz keçidini təşkil edib. Qanunsuz ölkəyə keçirilənlər isə onun həmyerliləri, habelə Rusiyaya girişi qadağan olunmuş Özbəkistan vətəndaşıdır.
Faktla bağlı Rusiya Federasiyası Cinayət Məcəlləsinin 322.1-ci maddəsinin 1-ci hissəsi və 322-ci maddəsinin 3-cü hissəsi ilə cinayət işi başlanıb. Cinayətdən dərhal sonra şübhəlilər Rusiyanın Omsk vilayətində Federal Təhlükəsizlik Xidmətinin əməkdaşları tərəfindən saxlanılıb. Məhkəmə materialların baxılmasının nəticələrinə əsasən qrupun bütün üzvləri barəsində həbs qətimkan tədbiri seçib. Qətnamələr qanuni qüvvəyə minməyib.
Federal Təhlükəsizlik Xidməti azərbaycanlı qaçaqları saxladı
Xəbər xoşunuza gəlib? Sosial şəbəkələrdə paylaşın
Diqqət çəkənlər
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
