Venesuelada baş verən son dağıdıcı zəlzələlər nəticəsində ən azı 4 118 nəfər həyatını itirib.
Bu barədə şənbəyə keçən gecə EFE agentliyi ölkə hakimiyyətinə istinadən məlumat yayıb.
Beləliklə, son sutka ərzində ölənlərin sayı 200-dən çox artıb.
Yaralıların sayında isə son günlər dəyişiklik qeydə alınmayıb. Məlumata görə, zəlzələlər nəticəsində təxminən 16,7 min nəfər xəsarət alıb.
Hakimiyyətin hesablamalarına əsasən, yeraltı təkanlar səbəbindən 18 minə yaxın Venesuela sakini evsiz qalıb.
Xatırladaq ki, Venesuelada bir neçə güclü zəlzələ 24 iyunda baş verib. Xilasedicilər ölkənin ən çox zərər çəkən bölgələrində axtarış və yardım işlərini davam etdirirlər.
