Boşanmaq istəyən arvadını öldürüb, qarət etdi

Rusiyada kişi boşanmaq istəyən arvadını boğaraq onun pulunu oğurlayıb.

Den.az xarici mediaya istinadən xəbər verir ki, hadisə Leninqrad vilayəti, Sosnovıy Borda qəsəbəsində baş verib. Gənc qadın yaşadığı evdə zorakılıqla öldürülmüş vəziyyətdə tapılıb. Məlumata görə, tikinti ləvazimatları mağazasında satıcı işləyən 27 yaşlı qadın iş yoldaşları ilə görüşməli imiş. Lakin ondan bir xəbər çıxmadığı üçün narahat olan dostlar polisə məlumat veriblər.

Mənzilin qapısını açan polislər çarpayıda qadının meyitini tapıblar. Onun cəsədi ədyala bükülmüş vəziyyətdə olub. Mərhumun ölümündən sonra yoxa çıxan əri qətldə şübhəli bilinib.

Dostları iddia edirlər ki, kişi narkotik aludəçisi olub, həyat yoldaşı isə normal həyat sürüb və işləyirmiş.

Araşdırmalar zamanı o da məlum olub ki, qadın ölümündən əvvəl 100 min rubl (təxminən 1760 manat) maaş alıb. Həmçinin mərhumun bank kartı və mobil telefonunun itdiyi də üzə çıxıb.

Ehtimal olunur ki, qətlin səbəbi oğurluq olub. Belə ki, əvvəlcə qadının başına zərbələr endirilib, daha sonra şarj naqili ilə boğularaq öldürülüb.

Hazırda qadının əri şübhəli şəxs kimi axtarılır.