Dietoloq və qastroenteroloq Nuriya Dianova qızartmaq üçün bitki yağı seçərkən ilk növbədə onun yüksək temperatura davamlılığına diqqət yetirməyi tövsiyə edib.
Mütəxəssisin sözlərinə görə, əsas göstərici yağın tüstülənmə nöqtəsidir. Bu, yağın aktiv şəkildə oksidləşməyə, parçalanmağa, zərərli aldehid və ketonlar əmələ gətirməyə, tüstülənməyə və faydalı xüsusiyyətlərini itirməyə başladığı temperaturdur.
Dianova bildirib ki, rafinasiya prosesi yağın tərkibindəki bəzi qarışıqları, mumları və fosfolipidləri aradan qaldıraraq tüstülənmə nöqtəsini yüksəldir. Buna görə qızartma üçün rafinə edilmiş yağlar daha uyğun hesab olunur.
Qızartma üçün tüstülənmə nöqtəsi 190 dərəcə və daha yüksək olan yağlar ideal sayılır. Sürətli qızartma zamanı isə 170 dərəcə və yuxarı göstərici kifayət edə bilər.
Mütəxəssis həmçinin yağı qaranlıq və sərin yerdə, qapağı möhkəm bağlı şəkildə saxlamağı tövsiyə edib. Bu, işıq və oksigenin təsiri ilə yağın xarab olmasının qarşısını almağa kömək edir.
Dianova xüsusilə vurğulayıb ki, qızartma yağından təkrar istifadə etmək olmaz. Onun sözlərinə görə, yağın dəfələrlə qızdırılması sağlamlıq üçün arzuolunmaz birləşmələrin yığılmasına səbəb ola bilər.
Denmedia.az
