Prezidenti Donald Trampın Çin məhsullarına qarşı rüsumları artırması azmış kimi, indi də ABŞ-ın Missuri ştatının federal məhkəməsi Çin hökumətini pandemiyanın başlanğıcında koronavirusun yayılması ilə bağlı məlumatları gizlətməkdə təqsirli bilərək, 24 milyard dollar təzminat ödənməsi barədə qərar qəbul edib.
Bu barədə "Den.az"a açıqlamasında politoloq Elxan Şahinoğlu qeyd edib.
“Nyu York Tayms” nəşrinin yazdığına görə, Missuri Prokurorluğu Çinə qarşı iddianı hələ 2020-ci ilin aprel ayında qaldırıb. Hakim iddianı təmin edib. Hakimin sözlərinə görə, Pekin COVİD-19 pandemiyasının təhlükələri və əhatə dairəsi haqqında dünyaya yanlış məlumat verib və fərdi qoruyucu vasitələrin istehsalında inhisar yaratmağa çalışıb.
Missuri məhkəməsinin qərarı Çin Kommunist Partiyasına, Çindəki yerli hökumətlərə və Çinin Milli Səhiyyə və Sosial İdarəsinə şamil edilir. Missuri Baş Prokurorluğu iddia əsasında cəriməni ödəmək üçün Çinin aktivlərini müsadirə etmək niyyətindədir. Missuri ştatı ilə yanaşı, digər ştatlarda da Çinə qarşı oxşar iddialar qaldılıb.
Avropa ölkələrindən pandemiyaya ilk İtaliya məruz qalmışdı. Bu ölkədə hər gün ölənlərin sayı minlərlə idi. Sonradan üzə çıxdı ki, pandemiyanı İtaliyada bu ölkənin müəssisələrində çalışan çinli işçilər yayıblar. İşçilər Çindən tətildən geri döndükdə özləri ilə xəstəliyi də gətirmişdilər. Sonrakı aylarda pandemiya digər Avropa ölkələrinə də çatdı. Bir müddət sonra ən dəhşətli vəziyyət ABŞ-da yarandı. Hər gün ölənlərin sayı minlərlə idi.
Aydındır ki, Çin ABŞ ştatlarının məhkəmə qərarlarını rədd edəcək. Pekin ABŞ məhkəməsinin qərarında vurğulanan “pandemiya barədə yanlış məlumat” və “fərdi qoruyucu vasitələrin istehsalında inhisarçılıq” tezislərini qəbul etməyəcək. Amma Ağ Ev sahibi Donald Trampın məhkəmə qərarından Pekinə qarşı təzyiq aləti kimi istifadə etməsi mümkündür”, - politoloq vurğulayıb.
Günəş Fərəh
Den.az
Tramp bundan Çinə qarşı təzyiq aləti kimi istifadə edəcək - DETALLAR
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
