ABŞ Prezidenti Donald Trampın İrana qarşı maksimum təzyiqin bərpası haqqında fərmanı bir mesaj kimi qəbul edilə bilər. Tramp prezident seçilməmişdən öncə də İrana qarşı təzyiqləri artıracağını vəd etmişdi və indi bu vədləri yerinə yetirməyə çalışır.
Bu sözləri Den.az-a açıqlamasında politoloq Elxan Şahinoğlu səsləndirib.
O qeyd edib ki, Tramp Ağ Evə gəldikdən sonra yüzlərlə qərar imzalasa da, bu fərmanların hamısının yerinə yetiriləcəyi dəqiq deyil.
Ekspertin sözlərinə görə, ABŞ və İsrail İranın nüvə çalışmalarından ciddi narahatdır. Məhz buna görə Tramp və İsrailin Baş naziri Benyamin Netanyahunun 4 fevralda baş tutan görüşlərində İran mövzusu xüsusi diqqət mərkəzində olub:
“İsrail ABŞ-a tövsiyə edir ki, İranın hava müdafiə sistemi zəif olduğu bir vaxtda onun nüvə obyektlərinə zərbələr endirilsin. Lakin Tramp hələ ki, bu cür hərbi addımların əleyhinədir və müharibə istəmir. Buna baxmayaraq, Vaşinqtonun Tehrana təzyiqləri davam edəcək”.
Elxan Şahinoğlu əlavə edib ki, İran nüvə çalışmalarından imtina etdiyini yalnız bəyanatlarla deyil, əməli şəkildə sübut edərsə, Tramp danışıqlara açıq ola bilər. Hətta ABŞ prezidenti İranın mötədil islahatçı kimi tanınan lideri Məsud Pezeşkianla görüşü də istisna etmir:
“Bu fərman rəsmi şəkildə təzyiqlərin dərhal həyata keçirilməsi anlamına gəlmir. Tramp bununla İrana mesaj göndərir ki, nüvə çalışmalarından əl çəkdiklərini əməli şəkildə sübut etsinlər və şərtləri qəbul etsinlər. Əks halda, Vaşinqton sanksiyaları daha da sərtləşdirə bilər”.
Günəş Fərəh
Den.az
"Tramp bu cür hərbi addımların əleyhinədir və müharibə istəmir, amma..." - İLGİNC DETALLAR
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
