"Bu halda Ermənistan Aİİ-ni tərk edəcək" - İLGİNC AÇIQLAMA

Ermənistanın baş naziri Nikol Paşinyan Avrasiya İqtisadi Birliyinin Sankt-Peterburqda keçirilən zirvə toplantıısnda deyib ki, ölkəsi təşkilatı siyasi deyil, iqtsadi qurum kimi qiymətləndirir. Ermənistanın baş naziri Avrasiya İqtisadi Birliyini siyasiləşdirməyə imkan verməyəcəyini də bildirib. Bəs görəsən, Paşinyan belə bir açıqlamaya niyə ehtiyac duyub? 

Mövzunu "Den.az"a şərh edən politoloq Elxan Şahinoğlu bildirib ki, gələn il Avrasiya İqtisadi Birliyinə sədrlik Ermənistana keçəcək:

"Görünür, Paşinyan açıqlaması ilə Rusiya prezidenti Vladimir Putinə izah etmək istəyib ki, Ermənistan sədrlik dövründə Rusiyanın Avrasiya İqtisadi Birliyini anti-Qərb strukturuna çevirməyə imkan verməyəcək. Paşinyan həm də onu izah etməyə çalışıb ki, İrəvanın istəyinə rəğmən Kreml Avrasiya İqtisadi Birliyini siyasi struktura çevirərsə, Ermənistan qurumu tərk edəcək. Əslində Avrasiya İqtisadi Birliyinə üzv olan Mərkəzi Asiya ölkələrinin liderləri də təşkilatın anti-Qərb strukturuna çevrillməsinin əleyhinədirlər. Çünki Mərkəzi Asiya ölkələri Rusiya ilə tərəfdaşlığa rəğmən, Qərb ölkələri ilə bütün istiqamətlərdə əməkdaşlığı davam etdirmək niyyətindədirlər".

Günəş Fərəh,
Den.az