Ali Avrasiya İqtisadi Şurasının (AİİŞ) Sankt-Peterburqda keçirilən iclası zamanı Belarus prezidenti Aleksandr Lukaşenko ilə Ermənistanın baş naziri Nikol Paşinyan arasında mübahisə yaranıb.
Den.az xəbər verir ki, bu barədə erməni mediası məlumat yayıb.
“Biz ildə iki dəfə, adətən may və dekabr aylarında Ali Şuranın iclasını keçiririk. Qış görüşü ənənəvi olaraq Rusiyada baş tutur. Bizim bu praktikanı dəyişməyimizin heç bir mənası yoxdur. Ancaq Belarusun Aİİ-də sədrliyini nəzərə alaraq yay iclasını Minskdə keçirməyi və Avrasiya İqtisadi Forumu ilə birləşdirməyi təklif edirəm. Mən formalaşmış təcrübədən kənara çıxmayacam və bu tədbirin gələn il mayın 29-da təşkilini təklif edəcəm. Məsləhətləşmələr zamanı əlavə qərar qəbul edəcəyik”, – Lukaşenko bildirib.
Ermənistanın baş naziri Nikol Paşinyan isə ölkəsinin nümayəndə heyətinin videokonfrans vasitəsilə konfransda iştirak edəcəyini açıqlayıb.
“Təşəkkür edirəm, Aleksandr Qriqoryeviç. Biz Aİİ-nin Ali İqtisadi Şurasının iclasının Minskdə keçirilməsinə etiraz etmirik. Lakin əvvəlcədən demək istəyirəm ki, bizim nümayəndə heyətimiz videokonfrans vasitəsilə görüşə qatılacaq”, – Paşinyan qeyd edib.
Paşinyanın bu fikirləri Lukaşenkonu özündən çıxarıb.
“Sizin Minskə gəlməklə bağlı nə probleminiz var. Bəlkə sizi gətirən yoxdur. Əgər lazım olsa, biz sizin Minskə gələrək tədbirdə iştirakınızı təmin edə bilərik”, – Lukaşenko deyib.
“Aleksandr Qriqoryeviç, mən bu barədə açıq bəyanat vermişəm. Bəyanatım qüvvədə qalır. Düşünürəm ki, indi bu məsələləri müzakirə etmək düzgün deyil. Sadəcə siz təklif irəli sürdünüz və məön dərhal mövqe bildirmək məcburiyyətində qaldım ki, anlaşılmazlıq olmasın”, – Ermənistanın baş naziri cavab verib.
“Yaxşı, biz sizin ərizənizə baxacağıq. Bəlkə sizin tədbirə distant formada qoşulmağınız üçün monitor olmayacaq”, – Lukaşenko vurğulayıb.
“Siz mənim ərizəmə baxa bilməzsiniz, çünki ərizəm sizin stolunuzun üzərində deyil. O ki, qaldı monitorun olmamasına, bu, problem deyil”, – Nikol Paşinyan bildirib.
Günəş Fərəh
Den.az
Lukaşenko ilə Paşinyan arasında mübahisə yaranıb
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
