Kenan Doğulu ötən axşam Zorlu PSM səhnəsində möhtəşəm konsert proqramı ilə çıxış edib. Həftələr öncədən biletləri tam tükənən gecədə sənətçi yaradıcılığının müxtəlif dövrlərinə aid ən sevilən hitlərini səsləndirib. Güclü enerji və canlı ifa dinləyicilər tərəfindən alqış yağışı ilə qarşılanıb.
Konsertin ən diqqətçəkən anlarından biri isə Doğulunun həyat yoldaşı Beren Saati səhnəyə dəvət etməsi olub. Sənətçi onun ilk mahnısı “CapitaliZoo”ya xüsusi dəstək verib.
“Beren çox həyəcanlıdır. Mahnısı bu gün yayımlandı və çox xoşbəxtdir. Ona alqış istəyirəm.”
Doğulu daha sonra həyat yoldaşını səhnədə öpərək dəstəyini nümayiş etdirib, həmçinin Beren Saatin yeni mahnısına yönləndirən QR kodu LED ekranlarda yayımlayıb.
Konsert “Aşk Oyunu”ndan sonra İlhan Şeşeni anaraq səsləndirdiyi “Ellerimde Çiçekler” ilə yekunlaşıb. Güclü maraq səbəbindən sənətçi 14 martda yenidən Zorlu səhnəsinə qayıdacaq. Həmin konsertin biletləri də indidən tükənib.
