Denmedia.az xəbər verir ki, İsveç Krallığının baş naziri Ulf Kristersson hökumətin mətbuat xidməti tərəfindən yayımlanan mətbuat konfransında bildirdi ki, İsveç və Ukrayna gələcəkdə İsveç istehsalı olan Gripen E qırıcı təyyarələrinin tədarükünə yol açan niyyət məktubu imzalayıblar.
Kristerssonun sözlərinə görə, bu, Ukraynaya həmin modeldən 100–150 döyüş təyyarəsinin istehsalı və ixracı üzrə mümkün müqavilə ilə bağlıdır.
“Zelenski və mən İsveç ilə Ukrayna arasında niyyət məktubunu imzaladıq. Bu uzun bir yolun başlanğıcıdır, amma bizi Saab və İsveç üçün Ukrayna ilə böyük ixrac müqaviləsinə daha da yaxınlaşdırır,” — deyə İsveç baş naziri bildirib.
Çoxfunksiyalı Gripen qırıcıları İsveçin Saab şirkəti tərəfindən istehsal olunur və hazırda İsveç Hərbi Hava Qüvvələrinin, eləcə də bir neçə digər ölkənin əsas döyüş təyyarələri sayılır.
Ukrayna prezidenti Volodimir Zelenski 22 oktyabr çərşənbə günü İsveçə səfər edib və Kiyevə İsveç qırıcılarının verilməsi ilə bağlı mümkün razılaşmanı müzakirə edib.
