ABŞ prezidenti Donald Tramp yenidən sağ əlindəki göyərməni tonal kremlə gizlədib. Bu, Ağ Evin YouTube kanalında dərc olunan rəsmi tədbir videosundan görünüb.
Detala uşaqlar üçün maliyyə yardımına dair layihə çərçivəsində fərman imzalanması mərasimində diqqət edilib. Sənədi prezident birinci ledi Melaniya Tramp ilə birlikdə imzalayıb.
Yay sonunda The Daily Beast Trampın əllərinin vəziyyətinə diqqət çəkmişdi: jurnalistlər onun sağ əlində təzə göyərmə görmüş, bunun üzərinin qalın tonal krem ilə örtüldüyünü yazmışdılar. Nəşrə görə, bu, 79 yaşlı prezidentin belə izləri gizlətməyə məcbur qaldığı ilk hal deyil.
İyul ayında Ağ Ev Trampda xroniki venoz çatışmazlıq diaqnozu qoyulduğunu rəsmi şəkildə açıqlamış, lakin onun “əla sağlamlıq vəziyyətində” olduğunu vurğulamışdı.
Ağ Evin mətbuat katibi Kərölayn Levit bildirib ki, prezident, ayaqlarında şişkinlik və əlində zədə izləri göründükdən sonra tibbi müayinədən keçib. Ondan əvvəl o, Trampın göyərməsini “tez-tez əl sıxışdırması ilə bağlı” izah etmişdi.
