Meksikada “Xalisko Yeni Nəsil” kartelinin lideri Nemesio Oseguera Cervantesin zərərsizləşdirilməsindən sonra başlayan iğtişaşlar zamanı azı 26 nəfər həlak olub. Bu barədə La Jornada nəşri məlumat yayıb.
Məlumata görə, ölənlər arasında hamilə qadın, federal və ştat təhlükəsizlik qüvvələrinin 17 əməkdaşı, eləcə də CJNG-nin 8 ehtimal olunan üzvü var.
Əməliyyatın yekunlarına əsasən, zorakılıq, talançılıq və qarət şübhəsi ilə 27 nəfər saxlanılıb.
Hadisələr Meksikada kartellərə qarşı mübarizənin yeni və daha sərt mərhələyə keçdiyini göstərir.
