ABŞ Prezidenti Donald Tramp Fox News-a açıqlamasında bildirib ki, İranın Vaşinqtonla danışıqları yenidən bərpa etməkdən başqa seçimi yoxdur.
“Mən proqnozlaşdırıram ki, onlar geri qayıdacaq və bizim istədiyimiz hər şeyi verəcəklər”
— deyə prezidentin sözlərini CNN sitat gətirib.
Tramp əlavə edib:
“Mən hər şeyi istəyirəm (...), onların isə buna qarşı qoyacaq heç nəyi yoxdur”
O həmçinin iddia edib ki, ABŞ istəsə, “İranı bir günə məhv edə bilər”. Onun sözlərinə görə, ABŞ İranın enerji sistemini, körpülərini və duzsuzlaşdırma qurğularını sıradan çıxarmaq gücündədir və Tehran bunları bir daha bərpa edə bilməz.
ABŞ lideri qeyd edib ki, İranda hələ də raket istehsalı zavodları mövcuddur, lakin ABŞ onların yerləşdiyi məkanları bilir.
“Bizim hələ başqa hədəflərimiz də var”
— deyə Tramp əlavə edib, lakin konkret hansı hədəflərdən danışdığını açıqlamayıb.
