PSJ yeni hücumçu aldı - FOTO

Paris Sen-Jermen klubu “Ayntraxt”ın hücumçusu Randal Kolo Muanini transfer etdiyini rəsmən açıqlayıb.

Den.az xarici KİV-ə istinadla bildirir ki, Fransa klubu ilə forvard arasındakı müqavilə 2028-ci ilə qədərdir.

Medianın məlumatına görə, sövdələşmə təxminən 75 milyon avro və bonuslar təşkil edib. Daha əvvəl futbolçu Almaniya komandasını tərk edərək PSJ-yə getmək istədiyini açıqlamışdı. Kolo Muani 2022-ci ilin yayında “Nant”dan pulsuz transferlə “Ayntracht Frankfurt”a keçib.

Transfermarkt internet portalı futbolçunun bazar dəyərini 80 milyon avro olaraq qiymətləndirir.Keçən mövsüm Kolo Muani “Ayntraxt”ın heyətində bütün yarışlarda 46 oyun keçirib, 23 qol vurub, 17 məhsuldar ötürmə edib.