Sağlam oynaqlar — aktiv həyatın əsasıdır. Yaş artdıqca isə onlar çox vaxt ağrı və xışıltı ilə özünü xatırladır. Halbuki bunun çoxu təkcə fiziki yüklənmədən yox, həm də qidalanmadan və sadə vərdişlərdən asılıdır.
Oynaqlar kolagenlə zəngin qidaları “sevir”: xaş, giləmeyvə jeləsi, toyuq bulyonu. Yağlı balıq növləri də faydalıdır — tərkibindəki Omega-3 iltihabı azaldır. Fındıq və toxumlar sümüklər üçün vacib vitamin və mineralları təmin edir. Qığırdaqların elastikliyi üçün isə C vitamini olan tərəvəzlər — bibər, kələm və sitrus meyvələri vacibdir.
Gündəlik çoxlu təmiz su içmək oynaqların sürtünmədən qorunmasına və hərəkətli qalmasına kömək edir. Həddindən artıq yüklənmədən, amma müntəzəm şəkildə hərəkət etmək də önəmlidir — yoga, üzgüçülük və gəzinti ən yaxşı seçimlərdəndir. Üstəlik, müntəzəm istirahət, siqaretdən imtina və çəkiyə nəzarət oynaqların ömrünü uzadır.
Sadə addımlarla oynaq problemlərinin riski xeyli azalır və hərəkət yüngüllüyü geri qayıdır.
