«Radio 1»ə danışan nutrisioloq Roman Pristanski bildirib ki, qoz-fındıq, su və meyvələr zehni aydınlaşdırmağa kömək edir. O qeyd edib ki, kifayət qədər su içilmədən digər tədbirlər təsirli olmur.
Pristanskinin sözlərinə görə:
“Qan nə qədər qatı olarsa, bir o qədər çətinliklə kapilyarlara və kiçik damar sisteminə çatır. Buna görə də gündə bir yarım – iki litr su içmək lazımdır.”
Nutrisioloq əlavə edib ki, qoz-fındıqda olan yağlar sinir sisteminin işi üçün vacibdir. Onun fikrincə, şirniyyatları meyvə ilə əvəzləmək daha doğrudur, çünki meyvələrdə daha çox lif var.
