Bədən temperaturunun aşağı düşməsi ağır zəhərlənmənin əlamətlərindən biri ola bilər.
Bu barədə NEWS.ru-ya Dövlət Maarifləndirmə Universitetinin Tibb fakültəsinin cərrahiyyə kafedrasının müəllimi Aleksandr Umnov bildirib.
Mütəxəssisin sözlərinə görə, bəzi əlamətlər zəhərlənmənin ağırlaşdığını və insanın vəziyyətinin həyati təhlükə yaratdığını göstərə bilər.
Həkim belə hallarda təcili tibbi yardım çağırmağın vacib olduğunu vurğulayıb.
“Bədən temperaturunun aşağı düşməsi, dərinin solğunlaşması, nəbzin həddindən artıq sürətlənməsi və ya yavaşıması, huşun itirilməsi, qeyri-iradi sidik və nəcis ifrazı təhlükəli əlamətlərdir”, – Umnov bildirib.
Onun sözlərinə görə, müxtəlif dərəcəli koma və ciddi ürək ritmi pozuntuları da təcili tibbi müdaxilə tələb edən vəziyyətlər sırasındadır.
Mütəxəssis zəhərlənmə şübhəsi olan şəxsdə bu əlamətlərdən hər hansı biri müşahidə edilərsə, vəziyyətin öz-özünə keçməsini gözləmədən dərhal təcili tibbi yardıma müraciət etməyi tövsiyə edib.
