Səudiyyə Ərəbistanının “Ən-Nəsr” və Portuqaliya millisinin hücumçusu Kriştianu Ronaldu 2023-cü ildə vurduğu qolların sayına görə dünyanın birincisi olub.
Den.az Oxu.az-a istinadən 38 yaşlı futbolçu klub və milli komandada 58 matçda 53 qola imza atıb.
Qeyd edək ki, portuqaliyalılar bu il daha bir oyun keçirməli olacaqlar.
İlin sonunda bombardirlər siyahısında ikinci yerdə 53 matçda 52 qol vuran PSJ və Fransa yığmasının hücumçusu Kilian Mbappe qərarlaşıb. İngilis Harri Keyn üçüncü olub. “Bavariya”nın forvardının 52 qolu var, lakin daha çox oyun keçirib (57). “Mançester Siti”nin norveçli hücumçusu Erlinq Holand 60 oyunda 50 qolla dördüncüdür.
Ronaldunun ən yaxın təqibçiləri bu il daha oynamayacaqlar. Fransa və Almaniya çempionatları qış fasiləsindədir, norveçli isə hələ də zədəsini sağaldır və “Siti”nin dekabrın 30-da “Şeffild”lə keçiriləcək növbəti oyununda iştirak etməyəcək.
Ronaldu 2023-cü ildə dünyada ən çox qol vuran futbolçusu oldu
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
