Portuqaliya yığmasının və “Əl-Nəsr” klubunun futbolçusu Kristiano Ronaldo UEFA tərəfindən xüsusi mükafata layiq görülüb.
“Den.az” xəbər verir ki, bu barədə qurumun mətbuat xidməti məlumat yayıb.
Ronaldo UEFA Çempionlar Liqasında bütün zamanların ən çox qol vuran futbolçusu olduğuna görə qurumun prezidenti Aleksander Çeferin tərəfindən mükafatlandırılıb.
39 yaşlı ön xətt oyunçusu Avropanın ən nüfuzlu yarışında meydana çıxdığı 183 oyunda 140 qola imza atıb. O, həmçinin bu yarışda 7 fərqli mövsümdə ən çox qol vuran futbolçudur.
Portuqaliyalı forvard İngiltərənin “Mançester Yunayted” (1) və İspaniyanın “Real” klublarında UEFA Çempionlar Liqasının qalibi olub. O, 1992-ci ildən bəri yarış tarixində beş dəfə çempionluq qazanan ilk futbolçudur. Ronaldo eyni zamanda indiyə qədər üç fərqli finalda qol vuran yeganə oyunçudur (2008, 2014, 2017). O, həmçinin bir mövsümdə ən çox fərqlənən futbolçudur (2013/2014, 17 qol).
Portuqaliyalı hücumçu dəfələrlə “Qızıl top” və UEFA-nın İlin kişi oyunçusu mükafatı alıb. O, qurumun bayrağı altında keçirilən bütün yarışların ən yaxşı bombardiridir (197 oyun, 145 qol). Forvard həmçinin milli səviyyəsində beynəlxalq yarışlarda ən çox qol vuran futbolçu ünvanına (212 oyun, 130 qol) da sahibdir.
Mükafat Ronaldoya UEFA Çempionlar Liqasının əsas mərhələsinin püşkatma mərasimində təqdim olunacaq.
UEFA-dan Ronaldoya xüsusi mükafat
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
