Portuqaliyada kişi oğlunun təhsil xərci ilə bağlı mübahisə zamanı həyat yoldaşını öldürüb.
Bu barədə Cmjornal nəşri məlumat yayıb.
İstintaqın məlumatına görə, Pedro Antikua Kruz və həyat yoldaşı Alsinda böyük oğullarının dərs xərclərinin ödənilməsi üstündə mübahisə ediblər.
Hakimin sözlərinə görə, hücumçu ilkin mübahisədən sonra qadının qızından kömək istədiyini gördükdən sonra daha da aqressivləşib.
Qəzəb içində olan kişi arvadının boynundan dişləyib, eyni zamanda onu boğub, sonra isə ona 49 bıçaq zərbəsi endirib.
Bildirilir ki, hadisə onların 14 yaşlı oğlunun gözü qarşısında baş verib.
Yeniyetmə 112 xidmətinə zəng edərək atasını dayandırmağa çalışsa da, buna nail ola bilməyib.
Məhkəmə materiallarında qeyd olunub ki, Pedro Antikua Kruz uzun illər ailədaxili zorakılıq göstərib, həyat yoldaşına təhdidlər edib və aqressiv davranıb.
Məlumata görə, cütlük 17 il birlikdə yaşayıb.
Həmçinin ögey qızının 2022-ci ildə həyatı üçün qorxu və təqiblər səbəbindən evi tərk etdiyi bildirilib.
Məhkəmənin qərarı ilə Pedro Antikua Kruz 25 il azadlıqdan məhrum edilib.
