Məktəbə hazırlıq dövründə valideynlərin bəzi davranışları uşaqlarda stress və yorğunluq yarada bilər.
Pedaqoq-psixoloq Şamil Əhmədullin bildirib ki, ən böyük səhvlərdən biri məktəb başlamazdan əvvəl uşağın bütün “unudulan” biliklərini qısa müddətdə bərpa etməyə çalışmaqdır.
Onun sözlərinə görə, səhər yazı məşqləri, günorta oxu, axşam əlavə dərslər və “proqramı çatdırmaq” cəhdi uşağın dərsə başlamadan əvvəl yorulmasına səbəb ola bilər.
Mütəxəssis vurğulayıb ki, tədris boşluqlarını il ərzində tədricən aradan qaldırmaq mümkündür, amma itirilmiş maraq və motivasiyanı geri qaytarmaq daha çətindir.
Digər vacib məsələ yuxu rejimidir. Əgər uşaq yay boyunca gec yatıbsa, rejimi bir gündə dəyişmək düzgün deyil. Psixoloq yatmaq və oyanmaq vaxtını hər gün təxminən 15–20 dəqiqə dəyişərək tədricən uyğunlaşdırmağı məsləhət görür.
Valideynlərin “rahat günlər bitdi”, “məktəbdə səni düzəldəcəklər” kimi ifadələr işlətməsi də uşağın məktəbi qorxulu və çətin yer kimi qəbul etməsinə səbəb ola bilər.
Əksinə, uşağa yeni dostlar, maraqlı məşğələlər, yeni biliklər və məktəbdə onu gözləyən xoş məqamlar haqqında danışmaq daha faydalıdır.
Mütəxəssis həmçinin valideynlərə öz narahatlıqlarını uşağa ötürməməyi tövsiyə edib.
Uşağın məktəbə ideal hazırlanmasından daha vacibi onun yanında sakit, güvən verən bir böyüyün olmasıdır.
