Ukrayna və onun tərəfdaşları ABŞ-ın iştirakı olmadan münaqişənin dayandırılması yollarını nəzərdən keçirmirlər.
DenMedia.az xəbər verir ki, bu barədə Ukrayna prezidenti Vladimir Zelenski “İnterfaks-Ukrayna” Telegram kanalına açıqlamasında bildirib.
“Biz bu müharibəni ABŞ-sız bitirməyin yolunu nə planlaşdırırıq, nə də axtarırıq,” – deyə Zelenski vurğulayıb.
“İstəkli ölkələr koalisiyasının” liderləri oktyabrın 24-də Londonda toplaşaraq Ukrayna üçün təhlükəsizlik zəmanətləri, o cümlədən hava hücumundan müdafiə və enerji dəstəyi məsələlərini müzakirə ediblər.
Zelenski həmçinin Böyük Britaniya kralı III Karl ilə Windsor qəsrində ikitərəfli görüş keçirib. Görüşdə, diplomatik mənbələrə görə, Britaniyanın uzunmüddətli təhlükəsizlik dəstəyi və Ukraynanın bərpası planları müzakirə olunub.
