2024-cü il aprelin 7-də 9-cu siniflər üçün keçirilən buraxılış imtahanında maksimum bal toplayan 4 şagiddən ikisi Abşeron-Xızı Regional Təhsil İdarəsinin tabeliyində olan təhsil müəssisələrinin yetirmələridir.
Den.az xəbər verir ki, imtahan iştirakçıları arasında 300 bal toplamaqla ən yüksək nəticəni göstərən şagirdlərdən biri Sumqayıt şəhər 23 nömrəli tam orta məktəbin şagirdi Tuncay Əmiraslanlıdır. O, bildirdi ki, repititor yanına getmədən də bu balı toplamaq olur
Sözü gedən təhsil müəssisəsinin rəhbəri Reyhan Yunisova bildirir ki, şagirdlərinin son illər göstərdiyi yüksək nəticələr onu ürəkdən sevindirir.
Maksimum 300 bal toplayan şagirdlərdən digər biri Abşeron-Xızı Regional Təhsil İdarəsinin tabeliyində fəaliyyət göstərən Ceyranbatan qəsəbə 1 nömrəli tam orta məktəbin şagirdi Aydın Həsənlidir.
Yüksək bal toplayan şagirdləri təbrik edir, onlara gələcəkdə vətənimiz üçün layiqli vətəndaş olmalarını arzulayırıq.
Nizami Rəsulov
Den.az
