Xırdalanda bu məktəbin 3 sinfinin bütün məzunları tələbə adını qazanıb-VİDEO

Bu gün təhsil sahəsində rəqabət yüksək olduğundan demək olar ki, respublikanın orta ümumtəhsil məktəbləri bir-biri ilə bilik yarışı aparır. Ancaq heç də bütün təhsil ocaqları bu ağır rəqabətdən üzüağ çıxa bilmir.  Böyük fəxr hissi ilə qeyd etmək lazımdır ki, Abşeron -Xızı Regional Təhsil İdarəsinin tabeliyində olan təhsil müəssisələri öz nəticələrinə görə,  respublikanın digər orta məktəbləri ilə rəqabətə nəinki tab gətirir, hətta onları qabaqlamağı da bacarır. 

Belə təhsil ocaqlarından  biri də Xırdalan şəhər 1 nömrəli tam orta məktəbdir. Sözügedən məktəbin 3 sinfi 100 faizlik nəticə verib və şagirdlərin hamısı nüfuzlu universitetləri qazanıb.

Direktor Arifə Balakişiyeva məlumat verərək bildirib ki, məktəb 1965-ci ildən fəaliyyət gostərir. Təhsil ocağında 300 pedaqoji heyət 5360 şagirdin təlim-tərbiyəsi və təhsili ilə məşğul olur. 

Təbii ki, dövlətin güclü olması onun təhsilli vətəndaşlarının sayının çoxluğu ilə ölçülür . Bu baxımdan Abşeron -Xızı Regional Təhsil İdarəsinin tabeliyində olan məktəblər xüsusilə fərqlənir. Həmin məktəblərin pedaqoji kollektivləri  cəmiyyətə layiqli və təhsilli vətəndaşlar hazırlamaq üçün yorulmadan  çalışırlar. Elə bunun nəticəsidir ki, Abşeron məktəblərində ali məktəblərə qəbul nəticələri hər zaman yüksək olur.