Sumqayıtda ali məktəblərə qəbul imtahanlarında yüksək bal toplayan, eləcə də respublikadaxili fənn olimpiadalarında uğurlu nəticələr göstərən məzun və şagirdlərlə görüş keçirilib.
Den.az xəbər verir ki, Sumqayıt şəhər İcra Hakimiyyətinin və Abşeron-Xızı Regional Təhsil İdarəsinin təşəbbüsü ilə baş tutan görüşdə Sumqayıt şəhər İcra Hakimiyyətinin başçısı Zakir Fərəcov, Abşeron-Xızı Regional Təhsil İdarəsinin müdiri İlhamə Abdullayeva, müəllim və şagird kollektivi, eləcə də valideynlər iştirak ediblər.
Tədbirdə çıxış edən Abşeron-Xızı Regional Təhsil İdarəsinin müdiri İlhamə Abdullayeva qəbul imtahanlarında Sumqayıt məktəblərinin məzunlarının yüksək nəticələr göstərdiyini bildirib. İdarə müdiri 243 nəfərin 600-dən, 87 məzunun 659-dən, 17 abituriyentin isə 680-dən yuxarı bal topladığını açıqlayıb. Respublika fənn olimpiadalarında isə Sumqayıt məktəblilərindən 48 şagirdin qalib olduğunu diqqətə çatdırıb.
Tədbirdə çıxış edən Sumqayıt şəhər İcra Hakimiyyətinin başçısı Zakir Fərəcov qəbul imtahanlarında yüksək bal toplayan məzunları təbrik edib, onlara gələcək fəaliyyətlərində uğurlar arzulayıb. Şəhərin təhsil sektorunun daha da inkişaf etdiyini deyən Zakir Fərəcov bunu dövlətin təhsil sahəsinə göstərdiyi diqqət və qayğının bariz nümunəsi kimi xarakterizə edib.
Tədbirdə çıxış edən müəllim və şagirdlər təhsil sahəsinə göstərilən qayğıya görə şəhər rəhbərliyinə və Abşeron-Xızı Regional Təhsil İdarəsinə öz minnətdarlıqlarını bildiriblər.
Çıxışlardan sonra yüksək bal toplayan məzunlara hədiyyələr təqdim olunub.
Sonda şəhər İcra Hakimiyyətinin başçısı Zakir Fərəcov məzunlar və müəllimlərlə xatirə fotosu çəkdirib
Qəbul imtahanlarında yüksək bal toplayan Sumqayıt məktəbliləri mükafatlandırıldı-VİDEO

Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.