ABŞ və Rusiya Liderlərinin Görüşü Olacaq: Zelenskiyə Təsirləri Varmı?
ABŞ Prezidenti Donald Trampla Rusiya Prezidenti Vladimir Putin arasında planlaşdırılan görüş beynəlxalq siyasi arenada böyük maraq doğurur. Rəsmi Moskvanın verdiyi məlumata görə, görüşün yeri artıq razılaşdırılıb və hazırlıqlar başlanıb. Lakin görüşün detalları hələlik açıqlanmayıb. Belə bir yüksək səviyyəli görüşün Ukrayna Prezidenti Volodomir Zelenskiyə və onun ölkəsinə necə təsir göstərəcəyi məsələsi isə diqqət mərkəzindədir.
Hüquqi və Siyasi Araşdırlar Mərkəzinin rəhbəri Xəyal Bəşirov Denmedia.az-a açıqlamasında bildirib ki, Zelenski üçün bu görüşün nəticələri bir neçə aspektdən əhəmiyyətli ola bilər. Əvvəla, ABŞ və Rusiya arasındakı dialoqun güclənməsi, Ukrayna böhranının çözülməsi üçün yeni imkanlar yarada bilər. Zelenski, ölkəsinin suverenliyini və ərazi bütövlüyünü qorumağa çalışdığı bir vaxtda, beynəlxalq dəstəyi artırmaq üçün bu cür görüşlərin nəticələrinə böyük ümidlər bəsləyə bilər.
Bununla yanaşı, ABŞ və Rusiya arasındakı müzakirələrdə Ukrayna məsələsinin hansı mövqedə dayanacağı hələ məlum deyil. İstənilən halda, Zelenski, ölkəsi ilə bağlı qərarların onun iştirakı olmadan verilməməsi üçün özünü diqqətli olmalıdır. Ukrayna rəhbərliyi üçün ən vacib məsələ, bu görüşlərin Krım məsələsi və Donbas bölgəsindəki münaqişə ilə bağlı müsbət nəticələrə yol açmasıdır.
Politolqun sözlərinə görə, bu görüş Ukraynanın daxili siyasətinə də təsir göstərə bilər. Əgər ABŞ və Rusiya arasında yeni razılıqlar əldə olunarsa, bu, Zelenskinin daxili siyasi nüfuzunu gücləndirə bilər. Bununla belə, əgər hər hansı razılaşmalar Ukraynanın maraqlarına zidd olarsa, bu, daxili narazılıqları artırar və Zelenskinin mövqeyini zəiflədə bilər.
Nəticə etibarilə, ABŞ və Rusiya arasında baş tutacaq görüşün nəticələri, Ukrayna üçün strateji əhəmiyyətə malikdir. Zelenski və onun hökuməti, bu proseslərin nəticələrindən asılı olaraq, öz siyasi strategiyalarını yenidən nəzərdən keçirməli və milli maraqları qorumaq üçün yeni addımlar atmalıdır.
Ellada Rəsul
Denmedia.az
