"Ukraynanın ABŞ və Rusiya arasında müharibə ilə bağlı aparılan danışıqlardan kənarda qalması "çox təhlükəli" olacaq".
Den.az xəbər verir ki, bu sözləri Ukrayna prezidenti Volodimir Zelenski bildirib.
O, Donald Tramp administrasiyasının müharibəyə son qoymaq üçün Rusiya ilə "çox ciddi" danışıqlar apardığı barədə bəyanatını şərh edərkən belə deyib.
"Onların öz münasibətləri ola bilər, lakin Ukrayna haqqında bizsiz danışmaq hamı üçün təhlükəlidir", - deyə Zelenski "The Associated Press"ə müsahibəsində qeyd edib.
Onun sözlərinə görə, komandası Tramp administrasiyası ilə əlaqə saxlayır, lakin bu müzakirələr hələlik "ümumi səviyyədə" aparılır, Zelenski yaxın vaxtlarda daha detallı razılaşmalar əldə etmək üçün şəxsi görüşlərin keçiriləcəyinə inanır.
"Biz bunun üzərində daha çox işləməliyik", - deyə Volodimir Zelenski bildirib və əlavə edib ki, Tramp inauqurasiyadan sonrakı ilk həftələrdə əsas diqqətini daxili problemlərə yönəldib ki, bu da başa düşüləndir.
Zelenski həmçinin qeyd edib ki, Rusiya atəşkəs danışıqlarında iştirak etmək və ya hansısa güzəştləri müzakirə etmək istəmir.
Ukrayna prezidenti əmindir ki, Donald Tramp Rusiya lideri Vladimir Putini danışıqlar masasına əyləşməyə məcbur edə bilər. O, bunun üçün Rusiyanın enerji və bank sisteminə qarşı sanksiyalar tətbiq etməklə yanaşı, Ukrayna ordusuna dəstəyi davam etdirməli olduğunu vurğulayıb.
"Düşünürəm ki, bunlar ən yaxın və ən vacib addımlardır", - deyə Zelenski bildirib.
Zelenskidən SON DƏQİQƏ AÇIQLAMASI - Çox təhlükəli olacaq...
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
