İran ABŞ-la müharibənin dayandırılması üzrə razılaşmaya yaxın olduğuna hələ əmin deyil.
Bunu İran Xarici İşlər Nazirliyinin sözçüsü İsmayıl Bəqayi bildirib.
Onun sözlərini Fars agentliyi yayıb.
Bəqayinin sözlərinə görə, tərəflər arasında hələ də dərin fikir ayrılıqları qalır və buna görə razılaşmanın yaxın olduğunu demək mümkün deyil.
Biz razılaşmanın yaxın olduğu mərhələyə çatdığımızı əminliklə deyə bilmərik,— deyə İsmayıl Bəqayi bildirib.
Diplomat qeyd edib ki, Vaşinqtonla aparılan təmasların məqsədi müharibənin dayandırılmasıdır. Bununla belə, tərəflərin yaxın həftələrdə razılaşmaya gəlib-gəlməyəcəyini indidən söyləmək mümkün deyil.
