Kayya Gerber — aktrisa və model Sindi Kroufordun və iş adamı Rendi Gerberin qızı — “The Mitch Churi” şousunda uşaqlıqdan etibarən onu “ruhlar tərəfindən ələ keçirilmiş” hesab etdiklərini açıqlayıb.
Modelin sözlərinə görə, onu bütün həyatı boyu başqa ölçülərdən gəldiyini düşündüyü varlıqlar təqib edib.
Gerber həmçinin beş il əvvəl “American Horror Story” serialının 10-cu mövsümündə çəkiliş zamanı baş verən hadisədən danışıb. Onun sözlərinə görə, həmin vaxt anası çəkiliş meydançasına müqəddəs su gətirib və qızına demonun daxil olmasını istəmədiyini bildirib.
Model daha sonra ekzorsizm ayinindən keçdiyini də etiraf edib. Onun sözlərinə görə, ritual zamanı üzərində Avstraliyaya məxsus nəfəsli musiqi aləti olan didjeridu ilə musiqi ifa edilib.
“Bu, həqiqətən baş verib. Mən bu barədə heç vaxt danışmamışdım, amma bu, faktdır. Hazırda isə tamamilə sağalmışam”, – deyə Kayya Gerber bildirib.
