Bəhreyndə bir neçə partlayış baş verib. Bu barədə Al Jazeera məlumat yayıb. Hadisənin mümkün səbəbləri barədə hələlik rəsmi açıqlama verilməyib.
The New York Times yazır ki, ölkədə hava təhlükəsi ilə bağlı siqnallar səslənir. Bəhreyn Daxili İşlər Nazirliyi sakinləri “ən yaxın təhlükəsiz yerə keçməyə” çağırıb.
Qəzet xatırladır ki, Bəhreyndə ABŞ ordusunun komandanlıq strukturları yerləşir.
Associated Press-in məlumatına görə, raket hücumu ABŞ Hərbi Dəniz Qüvvələrinin 5-ci Donanmasının qərargahını hədəf alıb. Agentlik bildirir ki, Bəhreyn rəsmiləri hücumun məhz həmin obyektə yönəldiyini açıqlayıb.
Bundan əvvəl İranın İsrailin şənbə günü başladığı İsrail–ABŞ birgə əməliyyatına cavab olaraq İsrailə raketlər buraxdığı barədə xəbərlər yayılmışdı. Lakin İran hərbçilərinin Yaxın Şərqdəki ABŞ hərbi obyektlərinə də raket atdığına dair rəsmi təsdiqlənmiş məlumat hələlik yoxdur.
