Braziliya millisinin tarixində ən çox qol vuran futbolçu Neymar milli komandadakı çıxışını başa vurduğunu açıqlayıb.
Globo portalının məlumatına görə, futbolçu bu qərarı Braziliyanın 2026-cı il dünya çempionatının 1/8 finalında Norveçə 1:2 hesabı ilə məğlub olmasından sonra verib.
Neymar həmin oyunda penaltidən fərqlənərək 2023-cü ildən sonra Braziliya millisində ilk qolunu vurub. Lakin bu qol komandasını məğlubiyyətdən xilas etməyib.
Matçdan sonra futbolçu qərarını qısa ifadə ilə şərh edib:
“Çalışdım, amma məncə, artıq hər şey bitdi”.
Beləliklə, Neymar Braziliya millisində uzun illər davam edən karyerasını dünya çempionatındakı məğlubiyyətdən sonra başa vurub.
