Dünya bazarlarında neft qiymətləri dəyişkən olaraq qalır.
Son məlumatlara görə, Brent markalı neftin qiyməti 92,64 dollar/barel səviyyəsində olub. WTI markalı ABŞ nefti isə son ticarət sessiyasında 90,03 dollar/barel səviyyəsində bağlanıb.
Neft qiymətlərinə əsas təsir edən amillər arasında Yaxın Şərqdə geosiyasi gərginlik, ABŞ-İran qarşıdurması, həmçinin ABŞ-da xam neft ehtiyatlarının azalması göstərilir.
Reuters-in məlumatına görə, son sessiyada Brent nefti 93,10 dollar/barel, ABŞ WTI nefti isə 90,03 dollar/barel səviyyəsində bağlanıb. ABŞ Energetika İnformasiya Administrasiyasının məlumatları isə ölkədə xam neft ehtiyatlarının 7,2 milyon barel azaldığını göstərib.
Ekspertlər bildirirlər ki, regiondakı gərginlik və tədarük riskləri neft qiymətlərində dəyişkənliyi artırmaqda davam edir.
