Qanlı cinayətkar Levan Aroyan, “Kuban Çikatilosu” kimi tanınan manyak, psixiatriya xəstəxanasında ölümcül parazitar infeksiyaya yoluxub.
DenMedia.az xəbər verir ki, bu barədə SHOT Teleqram kanalı məlumat yayıb.
Məlumata görə, 55 yaşlı manyak ən azı 15 qadının qətlində təqsirli bilinib və hazırda Krasnodar diyarının ən uzaq psixiatriya xəstəxanalarından birində saxlanılır.
21 illik məcburi müalicə ərzində vəziyyəti yaxşılaşmayıb, həkimlər onun tamamilə anlaqsız olduğunu bildirir. Hazırda müalicə kursu keçsə də, zəifləmiş immun sistemi vəziyyəti ağırlaşdırır.
Levan Aroyan — “Kraybıtkkomplekt” müəssisəsinin təsisçisi, milyonçu Vaxtanq Aroyanın oğludur. O, uşaqlıqdan ruhi pozğunluq əlamətləri göstərib və “şizofreniya” diaqnozu hələ məktəb illərində qoyulub.
İlk qətlini 1996-cı ildə törədib. Qurbanları əsasən gənc qadınlar olub — o, onlara pul qarşılığında intim təklif edir, sonra isə öldürürdü. Cinayətlərdən sonra meyitlərdə dairə və zolaqlardan ibarət xüsusi nişanələr buraxırdı.
