Ötən gecə Bakı şəhər Xəzər rayonunda baş vermiş ağır qəzada ölənlərin kimliyi və hadisənin təfərrüatı məlum olub.
Den.az “Qafqazinfo”-a istinadən xəbər verir ki, saat 21:00 radələrində 1980-ci ildə Naxçıvan MR-də anadan olmuş Əliyev Ayaz Vəli oğlu idarə etdiyi “Nissan Tiida” markalı avtomobillə Hövsan qəsəbəsi Zığ yolu Zığ bağları adlanan ərazidə üzü Zığ qəsəbəsi istiqamətində hərəkət edərkən piyadaların keçidi üçün nəzərdə tutulan keçidin altından yolu keçən piyadaları vurub. Nəticədə 1964-cü il təvəllüdlü Rəsulova Səkinə Baloğlan qızı, onun 1984-cü il təvəllüdlü gəlini Cavadova Samirə Xudayar qızı və sonuncunun 2020-ci il təvəllüdlü qızı Hüseynova Məryəm Nadir qızı aldıqları xəsarətlərdən hadisə yerində ölüb.
Faktla bağlı Suraxanı RPİ-nin İŞ-də CM-nin 263.3-cü maddəsi ilə cinayət işi başlanıb.
Bildirilir ki, hadisənin baş verdiyi yer piyada keçidinin yaxınlığı olsa da, ərazidə işıqlandırma olmayıb. Bu səbəbdən sürücünün görmə məsafəsi xeyli azalıb. Mövcud vəziyyət piyadalarla yanaşı sürücülər üçün də hərəkət təhlükəsizliyini azaldıb.
Bu məsələ ilə bağlı bir neçə ay əvvəl “Qafqazinfo”da yazı dərc edilib. Sakinlərin, eləcə də sürücülərin işıqlandırmanın olmaması ilə bağlı çoxsaylı şikayətləri sosial şəbəkələrdə və mediada yayılsa da, aidiyyəti qurumlar bu məsələyə səhlənkar yanaşıb. Dövlət qurumları tərəfindən geridə qalan aylar ərzində yolun kənarına dirəklər quraşdırılsa da, işıqlandırma qoşulmayıb. Müvafiq qurumların problemə qeyri-ciddi yanaşması nəticəsində bu yolda geridə qalan müddət ərzində dəfələrlə ağır yol-nəqliyyat hadisələri baş verib, xeyli insan həyatını itirib.
Den.az
Zığ yolunda küçə işığının olmaması səbəbindən baş verən qəza zamanı bir ailə məhv olub - FOTO
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
