Göz ətrafındakı dəri son dərəcə nazikdir və elastikliyi zəifdir. Bundan başqa, bu nahiyəni gərgin saxlayan yalnız bir əsas əzələ var. Bu səbəbdən göz ətrafı asanlıqla çökə, gözaltı torbaları və şişkinlik daha tez nəzərə çarpa bilər.
Yuxusuzluq, qidalanma vərdişləri və gündəlik həyat tərzi bu problemin yaranmasına təsir edə bilər. Lakin kifayət qədər yatdığınız halda yenə də eyni problemlə qarşılaşırsınızsa, səbəb bəzi qidalar ola bilər.
Gözaltı torbalarının yaranmasına səbəb ola bilən qidalar bunlardır:
Konservləşdirilmiş noxud və lobya
Noxud və qırmızı lobya kimi konservləşdirilmiş məhsulların tərkibində çox miqdarda natrium ola bilər. Natriumun yüksək qəbulu orqanizmdə maye tutulmasına, bu isə gözaltı torbaları və şişkin gözlərə səbəb ola bilər.
Bu səbəbdən belə məhsulları bişirməzdən əvvəl artıq natriumun azalması üçün onları yaxşıca yumaq və ya bir müddət suda saxlamaq məsləhət görülür.
Pomidor
Pomidor bəzi mənbələrdə solanin tərkibli bitkilər qrupuna aid edilir. Solaninin iltihablanma və şişkinliklə əlaqəli ola biləcəyi bildirilir. Bu səbəbdən gözaltı şişkinliklərindən şikayət edənlər qida rasionunda pomidorun təsirini müşahidə edə bilərlər.
Qluten həssaslığı
Əgər buğda, arpa və ya çovdara qarşı allergiyanız, yaxud qluten həssaslığınız varsa, bu məhsullardan hazırlanan qidalar şişkinliyə səbəb ola bilər.
Laktoza həssaslığı
Laktoza həssaslığı xüsusilə böyüklər arasında geniş yayılıb. Süd və süd məhsulları bəzi insanlarda şişkinlik, həzm narahatlığı və gözaltı torbalarının daha nəzərəçarpan olmasına səbəb ola bilər. Bu qrupa dondurma da daxildir.
Rafinə olunmuş şəkər
Şəkər iltihabi prosesləri gücləndirə bilən qidalar sırasında göstərilir. Orqanizmin müxtəlif hissələrində iltihablanmaya səbəb ola bilər və bu təsir xüsusilə göz ətrafında daha aydın görünə bilər. Çünki həmin nahiyədə dəri nazikdir və şişkinliyə meyillidir.
Süni şəkər və dadlandırıcılar da şişkinlik yaratmaq baxımından riskli hesab olunur.
Qırmızı bibər
Qırmızı bibər də pomidor kimi eyni bitki qrupuna aid edilir. Onun tərkibində olan kapsaisin bəzi insanlarda toxumalarda qıcıqlanma və iltihablanmaya səbəb ola bilər. Bu iltihabi reaksiya isə göz ətrafında şişkinlik kimi özünü göstərə bilər.
Gözaltı torbalarını azaltmağa kömək edə bilən qidalar
Cəfəri
Cəfəri orqanizmdə yığılan artıq mayenin xaric olunmasına kömək edə bilər. Buna görə səhərlər tez-tez şişmiş gözlər, gözaltı torbaları və morluqlarla oyananlar qida rasionuna maydanoz əlavə edə bilərlər.
Yulaf sıyığı
Səhər yeməyində yulaf sıyığı qəbul etmək gözaltı şişkinliyini azaltmağa kömək edə bilər. Yulaf liflə zəngindir və bağırsaq fəaliyyətini dəstəkləyir. Bu isə ümumi şişkinliyin azalmasına təsir göstərə bilər.
Avokado
Avokadonu yeməkdən əlavə, göz ətrafı üçün maska kimi də istifadə etmək olar. Avokado dilimlərini gözlərin üzərinə qoyub təxminən 10 dəqiqə saxlamaq mümkündür. Tünd halqalar bəzən K vitamini çatışmazlığı ilə əlaqələndirilir və avokado bu vitamin baxımından zəngin qidalardan sayılır.
Xiyar dilimləri
Soyudulmuş xiyar dilimlərini gözlərin üzərinə qoymaq yorğun gözləri təravətləndirmək və daha aydın görünüş yaratmaq üçün ən çox istifadə edilən üsullardan biridir. Dilimləri gözaltı nahiyədə təxminən 15 dəqiqə saxlamaq kifayətdir.
