Abşeron-Xızı Regional Təhsil İdarəsinin tabeliyində fəaliyyət göstərən 71 saylı körpələr evi, uşaq bağçasında 8 Noyabr – Zəfər Günü münasibətilə möhtəşəm tədbir keçirilib.
"Zəfərimizi Yaşadaq" adlı tədbirdə bağçanın rəhbərliyi və pedaqoji kollektivi ilə yanaşı, Vətən Müharibəsi şəhidi Təbriz Alməmmədovun anası Gülnarə Alməmmədova, eləcə də torpaqlarımızın bütövlüyü uğrunda sağlamlığını qurban verən qazilər iştirak ediblər.
Tədbirdə çıxış edən 71 saylı uşaq bağçasının müdiri Heyran Mehdiyeva Şanlı ordumuzun Müzəffər Ali Baş Komandan İlham Əliyevin rəhbərliyi ilə bütün döyüş əməliyyatlarını yüksək səviyyədə həyata keçirməklə mənfur düşməni diz çökdürdüyünü, şanlı Zəfər qazandığını və tarixi ədaləti, ölkəmizin ərazi bütövlüyünü bərpa etdiyini diqqətə çatdırıb. Heyran Mehdiyeva qeyd edib ki, ötən hər gün bizi Vətən müharibəsindən zaman etibarilə uzaqlaşdırsa da, hərbçilərimizin şücaəti, canı, qanı bahasına qazanılan bu qələbə hər bir azərbaycanlı üçün son dərəcə əziz və qiymətlidir.
Daha sonra şəhid Təbriz Alməmmədovun anası Gülnarə Alməmmədova çıxış edib. Bildirib ki, Vətən naminə canlarından keçən şəhidlərin əziz xatirəsi Azərbaycan xalqının qəlbində daim daim yaşayacaq. Çünki onların hər biri əsl qəhrəman, gələcək nəsillərə rəşadət və qorxmazlıq nümunəsidir. Şəhid anası bildirib ki, özləri cismən həyatda olmasalar da ruhən şəhidlər hər zaman valideynlərinin, doğmalarının və onları sevənlərin yanındadırlar. Gülnarə Alməmmədova Allahdan bütün şəhidlərə rəhmət diləyib, qazilərə can sağlığı arzulayıb.
Tədbirdə çıxış edən Vətən Müharibəsi qaziləri də şəhidlərimizin öz canı və qanı bahasına torpaqlarımızı düşmən tapdağından təmizlədiklərini qeyd ediblər. Məhz şəhidlərin sayəsində şanlı bayrağımızı Qarabağda dalğalandırdıqlarını diqqətə çatdırıblar.
Çıxışlardan sonra Bağçanın balaca fidanları tərəfindən hazırlanan, Sumqayıt şəhərinin 75 illik yubileyinə, "Yaşıl Dünya Naminə Həmrəylik İli"nə, eləcə də "Zəfər Günü"nə həsr olunan bədii kompazisiyalar, şerilər, rəslər və digər müsiqi nömrələri nümayiş etdirilib. Sumqayıtın rəmzi sayılan "Göyərçin Abidəsi"nin səhnəyə gətirilməsi qonaqlar tərəfindən maraqla izlənilib.
Bədii hissənin ardınca bağça rəhbərliyi tərəfindən həm şəhid anası Gülnarə Alməmmədovaya, həm də qazilərə hədiyyələr təqdim olunub.
Sonda 71 saylı körpələr evinin kollektivi də "Yaşıl Dünya Naminə Həmrəylik İli"nə öz töhfələrini verərək, bağçanın həyətində ağac əkiblər.
Sumqayıtın bu bağçasında "Zəfərimizi Yaşadaq" adlı tədbir öz möhtəşəmliyi ilə seçilib-VİDEO
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
