Uşaqların düzgün inkişafında və gündəlik rejimlərinin formalaşmasında, ictimai mühitə alışmasında, sərbəstliyə öyrəşməsində, ən nəhayət, məktəbə hazırlığında bağçaların rolu əvəzsizdir. Məktəbəqədər təlim-tərbiyə uşaqların gələcəyi üçün zəruri bir başlanğıcdır. Uşağın bu dövrdə necə təhsil alması və hansı təlim-tərbiyə üsulundan keçməsi çox önəmlidir. Bu baxımdan bağçalar uşağın ətraf aləmlə qarşılıqlı münasibətini təmin etməyə, onda xeyirxah hisslər oyatmağa, əməkdaşlığa nail olmağa qadir məktəbəqədər təhsil müəssisəsidir. Öz maddi-texniki bazası, yüksək tədris və təlim-tərbiyə metodu ilə seçilən bağçalardan biri də Abşeron-Xızı Regional Təhsil İdarəsinin tabeliyində fəaliyyət göstərən 18 saylı körpələr evi, uşaq bağçasıdır. Ölkə əhəmiyyətli əlamətdar günlər və bayramlarla əlaqədar bir sıra məşğələlər keçirən sözügedən bağçada bu dəfə "Qızıl Payız" adlı tədbir təşkil olunub. Tədbirdə Sumqayıt şəhərində fəaliyyət göstərən bir sıra bağçaların rəhbərləri, 18 saylı körpələr evinin kollektivi iştirak ediblər.
Tədbirin aparıcısı ilin fəsilləri arasında özünəməxsus yeri olan payızın gözəlliklərini, bolluq, bərəkət fəsli olduğunu diqqətə çatdırıb.
Tədbirdə çıxış edən 18 saylı körpələr evi-uşaq bağçasının müdiri Vəfa Xudatova balaca fidanlarının bağçada təşkil etdikləri "Qızıl Payız" tədbirinin payız fəsilinin əlvanlığını yüksək səviyyədə əks etdirdiyini diqqətə çatdırıb. Uşaqların bu cür maariflənməsi, dünyagörüşlərinin zəngin olmasının əhəmiyyətini vurğulayaraq, onlara uğurlar diləyib. Tədbirdə çıxış edən məktəbəqədər təhsil müəssisələrindən birinin rəhbəri Sədaqət Bayramova belə tədbirlərin keçirilməsinin fidan balaları sevindirməklə yanaşı, həm də onlarda bir çox müsbət keyfiyyətlərin yaranması və inkişafını sürətləndirdiyini bildirib.
Tədbir balaca fidanların hazırladıqları payız fəsilinin nümayiş edildiyi əyləncəli proqramla davam etdirilib. Musiqi nömrələri ilə davam edən tədbirdə uşaqlar şeirlər söyləyib, səhnəciklər göstərib və rəqslər ifa ediblər.
Sumqayıtdakı 18 saylı bağçada "Qızıl Payız" adlı tədbir keçirilib - VİDEO
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
