Sumqayıtda toyda DAVA: ölən var - YENİLƏNİB

Sentyabrın 29-u saat 23 radələrində Abşeron rayonu, Saray qəsəbəsi ərazisində 36 yaşlı Mürvət Əliyev və 34 yaşlı Seymur Hüseynovun kəsilmiş-deşilmiş xəsarətlərlə xəstəxanaya yerləşdirilməsi, 45 yaşlı Rəşad Əbilovun isə ölməsi barədə rayon prokurorluğuna məlumat daxil olub.

Abşeron rayon Prokurorluğundan Den.az-a verilən xəbərə görə, araşdırma zamanı aralarında yaranmış mübahisə zamanı qeyd olunan şəxslərin bir-birinə bıçaqla xəsarətlər yetirməsi və Rəşad Əbilovun aldığı xəsarətlərdən ölməsinə əsaslı şübhələr müəyyən edilib.

Faktla bağlı Abşeron rayon prokurorluğunda Cinayət Məcəlləsinin 120.1 (qəsdən adam öldürmə) və 221.3-cü (silah qismində istifadə olunan əşyalardan istifadə etməklə xuliqanlıq) maddələri ilə cinayət işi başlanıb.
İbtidai istintaq davam etdirilir.

***

Saat: 10:20

Sumqayıtda dava zamanı ölən və yaralananların kimliyi bilinib.
Den.az xəbər verir ki, hadisə şəhərdəki şadlıq evlərinin birində baş verib.
Toyda iştrak edən 36 yaşlı Əliyev Mürvət Fariz oğlu, 34 yaşlı Hüseynov Seymur Baloğlan oğlu və 45 yaşlı Əbilov Rəşad Firuz oğlu arasında naməlum səbəbdən mübahisə yaranıb. Tərəflər mübahisəni həll etmək üçün Abşeron rayonunda yerləşən parklardan birinə gəliblər. Burada münaqişə bıçaqlanmaya çevrilib. Nəticədə onların hər üçü bıçaq xəsarəti alıb.
R. Əbilov aldığı xəsarətlərdən xəstəxanada ölüb.
Faktla bağlı  araşdırma aparılır.

***
Saat: 00:17

Sumqayıtda şadlıq evində başlayan dava Abşeronda bıçaqlanma ilə bitib.
Den.az xəbər verir ki, hadisə Abşeron rayonu ərazisində, hələlik ünvanı dəqiq bilinməyən parkda baş verib.
3 nəfər tanış Sumqayıtda şadlıq saraylarının birində toy məclisində mübahisə ediblər. Mübahisəni davam etdirən tanışlar, Abşeronda parkda bir-birini bıçaqlayıb. Yaralananlardan 1-i ölüb, ikisi isə Sumqayıt şəhər Təcili Tibbi Yardım xəstəxanasına çatdırılıb.
Fakt araşdırılır.