Sumqayıt şəhər İcra hakimiyyətinin Ticarət Departamenti "küçə ticarəti"nə qarşı reyd keçirib.
Bu barədə Den.az-a Sumqayıt şəhər İcra Hakimiyyətindən məlumat verilib.
Belə ki, hər ötən gün daha da gözəlləşən və abadlaşan Sumqayıtın ümumi mənzərəsinə və arxitekturasına xələl gətirən bu cür pərakəndə və qanunsuz satışların sayı son günlər daha da çoxalıb. Üstəlik, ticarət üçün ayrılan yerlərdən kənarda, şəhərin mərkəzi küçə və prospektlərində qanunuz şəkildə fəaliyyət göstərən belə pərakəndə satışlar vətəndaşlara da narahatlıq yaradır. Küçələrin, səkilərin "işbaz"lar tərəfindən zəbt olunması insanların rahat hərəkətini çətinləşdirir.
Məsələnin digər tərəfi isə "küçə ticarəti"nin şəhərin müxtəlif ərazilərini antisanitariya obyektinə çevirməsidir. Çəkiliş apararkən bunun əyani şahidi olduq. Belə ki, satılan məhsulların qalıqlarının ətrafa atılması ərazilərin zibilliyə çevrilməsi ilə nəticələnir. Bu da şəhərin mərkəzində pis qoxunun ətrafa yayılmasına və antisanitar vəziyyətin tüğyan etməsinə səbəb olur.
Qeyd edək ki, İcra Hakimiyyəti tərəfindən bu cür reydlərin mütəmadi şəkildə davam etdirilməsi nəzərdə tutulur.
Sumqayıtda "küçə ticarəti" ilə necə mübarizə aparılır? - VİDEO
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
