Abşeronda avtomobil yoluna qədər uzanan küçə ticarəti, sürücülər üçün bir sıra çətinliklər yaradır.
“Den.az” xəbər verir ki, görüntülər Mehdiabad qəsəbəsi 20 yanvar küçəsində lentə alınıb.
Sakinlər iddia edirlər ki, artıq bir müddətdir küçə ticarəti səbəbindən mövcud ərazidə avtomobillərin hərəkətində çətinliklər yaranıb. Piştaxtalar yola qədər uzanıb. Hətta bəzən bu səbəbdən sürücülər xeyli tıxacda gözləmək məcburiyyətində qalırlar. Bu da 20 yanvar küçəsindən istifadə edən sürüclər üçün ciddi problemə çevrilib.
Sakinlərin sözlərinə görə, mövcud məsələ ilə bağlı dəfələrlə aidiyyatı qurumlara müraciət etsələrdə, lakin buna məhəl qoyan yoxdur.
Qeyd edək ki, acınacaqlı vəziyyəti özündə əks etdirən bu küçə ticarəti, Mehdiabad qəsəbə Polis bölməsinin , İcra nümayəndəliyin və bələdiyyənin bir neçə metrliyindədir.
Ümid edirik problemin qısa vaxt ərzində həlli üçün aidiyyatı qurumlar tədbir görər. Mövzuyə yenidən qayıdacağıq...
Den.az
