“Sosialistlər Hərəkatı”nın lideri Aleksandar Vulin RIA Novosti-yə müsahibəsində bildirib ki, dünya nüvə müharibəsinin astanasındadır.
“Üçüncü dünya müharibəsi Almaniyanın birləşməsi və İkinci dünya müharibəsinin nəticələrinin yenidən qiymətləndirilməsi ilə başladı. Qərbin siyasəti bizi artıq nüvə müharibəsinin kənarına gətirib – çoxdan davam edən Üçüncü dünya müharibəsinə yox, məhz nüvə müharibəsinə,” — deyə siyasətçi vurğulayıb.
Vulinin sözlərinə görə, nüvə fəlakətinin qarşısını almaq üçün Qərb ölkələri təkqütblü dünya düzəninin sonunu qəbul etməli, daha sonra isə ən azı 50 il nisbətən sabit sülh təmin edə biləcək yeni beynəlxalq saziş imzalanmalıdır.
Xatırladaq ki, Serbiyanın sabiq baş naziri, müdafiə və daxili işlər naziri olan Vulin 2025-ci ildə Avropa İttifaqının tələbi ilə hökumətin tərkibindən çıxarılıb. Siyasətçi Rusiyaya simpatiyası və Kosovo albanlarına qarşı sərt mövqeyi ilə tanınır.
