Bu günün uşağı gələcəyin şagirdi, tələbəsi və ziyalısıdır. Uşaqların necə inkişaf edəcəyi onları əhatə edən mühitlə bilavasitə bağlıdır. Uşaqların sosiallaşması üçün atılan ilk addımlardan biri də onların bağça mühitinə öyrəşməsi ilə başlayır. Odur ki, bağçalarda yaradılan şərait, orada işləyən təlim-tərbiyəçilərin intellektual səviyyəsinin yüksək olması çox vacibdir. Sadaladığımız bütün müsbət xüsusiyyətləri özündə birləşdirən məktəbəqədər təhsil müəssisələrindən biri də Abşeron rayon Hökməli qəsəbəsində yerləşən 31 saylı körpələr evi, uşaq bağçasıdır. Bağçada körpə fidanların gələcəyin savadlı və ziyalı kadrı, əsl vətənpərvər şəxsiyyəti kimi yetişməsi üçün hər cür şərait yaradılıb.
Bağçanın müdiri Lamiyə Byaramova bildirib ki, məktəbəqədər təhsil müəssisəsi 2016-cı ildən fəaliyyət göstərir. 6 qrupluq 115 yerlik bağçada uşaqların təlim-tərbiyəsi ilə peşəkar tərbiyəçi müəllimlər məşğul olur. Bağçada bir sıra əlamətdar günlər və hadisələrlə bağlı maraqlı tədbirlər keçirilir. Həmin tədbirlər uşaqların vətənpərvərlik ruhunun yüksəldilməsinə, onların əlamətdar hadisələrlə bağlı məlumatlandırılmasına xidmət edir.
Uşaqların bir-biri ilə ünsiyyət qurması, onların nəyisə qavraması, hafizəsinin formalaşdırılması üçün bağça çox vacibdir. Burada həm də uşaqlara müxtəlif şeirlər, musiqilər və rəqslər öyrədilir ki, bu da azyaşlıların gələcəkdə aktiv həyata asan adaptasiya olmasına imkan verir. Elə 31 saylı uşaq bağçasında təhsil alan balaca fidanlar da bu qabiliyyətləri ilə göz oxşayırdılar.
Qeyd edək ki, Məktəbəqədər təhsil müəssisələri uşaqları əqli, fiziki, psixoloji və emosional cəhətdən məktəbə hazırlayan bir müəssisədir. Bu baxımdan uşaq bağçalarının üzərinə çox böyük məsuliyyət düşür. Əminliklə deyə bilərik ki, Abşeron-Xızı Regional Təhsil İdarəsinin tabeliyində fəaliyyət göstərərn uşaq bağçaları bu vacib işin öhdəsindən uğurla gəlir. 31 saylı uşaq bağçası həm də öz maddi-texniki bazası, savadlı və intellektual düşüncəli təlim-tərbiyəçiləri ilə xüsusilə fərqlənir.
Hökməli bağçasında təlim-tərbiyə yüksək səviyyədə təşkil olunub-VİDEO
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
