Müasir təhsilin bünövrəsi və ilkin pilləsi sayılan bağçalar məktəbəqədər yaşda olan uşaqların tərbiyəsi və təhsilə hazırlanması ilə məşğul olan, eyni zamanda, azyaşlıların əyləncə və istirahətini təmin edən müəssisəsidir. Uşaqların düzgün istiqamətdə inkişafının, gündəlik rejimlərinin formalaşma təməli də məhz burada qoyulur. Azyaşlıların intellektual, fiziki və psixoloji inkişafının, potensial imkanlarının üzə çıxarılmasının, şəxsiyyət kimi formalaşmasının, məktəb təliminə hazırlığının, onlarda həyati bacarıqların təşəkkülünün, maddi sərvətlərin insan kapitalına çevrilməsinin təməli, əsasən, məktəbəqədər təhsil müəssisələrində qoyulur. Bu gün uğurla inkişaf edən Azərbaycanın təhsil sektorunda məktəbəqədər təhsil müəssisələri özünəməxsus yer tutur. Abşeron-Xızı Regional Təhsil İdarəsinin tabeliyində fəaliyyət göstərən məktəbəqədər təhsil müəssisələri isə sözün əsl mənasında gələcəyin layiqli və vətənpərvər gənclərini, ziyalılarını yetişdirmək üçün yorulmadan çalışır. Belə məktəbəqədər təhsil müəssisələrindən biri də, Xırdalan şəhərində fəaliyyət göstərən 22 saylı körpələr evi və uşaq baxçasıdır.
Qeyd edək ki, bağça 1965-ci ildən fəaliyyət göstərir. 6 qrupluq, 110 yerlik olan müəssisədə 18 pedaqoji heyət uşaqların təlim-tərbiyəsi ilə məşğul olur. Digər texniki işçilər isə bağçanın maddi-texniki bazasının qorunub saxlanması üçün əllərindən gələni əsirgəmir. Bağçada uşaqların yüksək səviyyədə təlim-tərbiyyə alması, ilkin bilik və vərdişlərə yiyələnməsi, dünyagörüşlü və istedadlı yetişməsi, ən əsası isə dövlətini sevən vətənpərvər gənclər kimi formalaşması üçün hər bir şərait yaradılıb. Ölkə və beynəlxalq əhəmiyyətli tədbirlərlə bağlı uşaqlara məlumatlar verilir, tədbirlər, məşğələlər hazırlanır. Belə ki, bağçada "Yaşıl Dünya Naminə Həmrəylik İli" və "Zəfər Günü" ilə bağlı bir sıra maraqlı layihələr həyata keçirilib.
Bu gün iri şəhərlər daxil olmaqla, Azərbaycanın bir çox rayonlarında körpələr evi, uşaq bağçaları müasir təlim metodlarına uyğun olaraq yüksək səviyyədə fəaliyyət göstərir. Son illərdə demək olar ki, bütün uşaq müəssisələri müasir standartlara cavab verən üslubda yenidən təmir olunub, bir çoxları üçün yeni binalar tikilib, müasir avadanlıq və mebellərlə təmin edilib. Abşeronun məktəbəqədər müəssisələri də bu baxımdan xüsusilə seçilir.
Xırdalandakı 22 saylı uşaq bağçasında gələcəyin layiqli gəncləri yetişir-VİDEO
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
