Sosiallaşma erkən uşaqlıq dövründən başalanır. Uşaqların cəmiyyətə uyğunlaşmasında, dünyagörüşünün formalaşmasında məktəbəqədər təhsil müəssisələrinin rolu çox böyükdür. Məktəbəqədər təhsil vasitəsilə uşaqların erkən yaş dövründə əqli, fiziki, yaradıcı potensialının və mədəni səviyyəsinin inkişafının, psixoloji dayanıqlığının, estetik tərbiyəsinin əsası qoyulur. Uşaq sağlam cəmiyyətdə faydalı vətəndaş kimi böyüyərsə ölkənin parlaq gələcəyi bir o qədər də inkişaf edər.
Abşeron-Xızı Regional Təhsil İdarəsinin tabeliyində fəaliyyət göstərən Novxanı kənd 28 saylı uşaq bağçasında da körpə fidanların gələcəyin savadlı, intellektual və dünyagörüşlü şəxsiyyətləri kimi formalaşması üçün böyük əmər sərf olunur. Sözügedən bağçada gələcəyimiz olan uşaqların təlim-tərbiyəsi üçün bütün lazımi şərait yaradılıb, maddi-texniki baza gücləndirilib. Uşaqların təlim-tərbiyəsilə peşakar pedaqoji heyət məşğul olur. Gündəlik qrup daxilində keçirilən məşğələlərə, uşaqların sərbəst, əyləncə, oyun və istirahət saatlarına xüsusi diqqət yetirilir.
Bağçada müasir tədris üsulları ilə müxtəlif mövzuları əhatə edən məşğələlər də təşkil edilir. Bu, uşaqların bilik və bacarıq səviyyəsinin daha yaxşı inkişaf etməsinə münbit şərait yaradır. Qeyd edək ki, bağçanın məktəbəhazırlıq qrupunda qidalanma və düzgün gigiyena qaydaları haqqında məşğələ təşkil edilib. Məşğəlinin keçirilməsində əsas məqsəd uşaqların sağlam böyüməsi və qidalanmasında maarifləndirici rol oynamaq idi. Uşaqlara necə düzgün qidalanmaları, hansı növ qidalardan istifadə etmələri haqqında biliklər əyani olaraq çatdırıldı.Bağçanın tibb bacısı və Novxanı Tibb Mərkəzindən dəvət olunmuş həkimlər belə məşğələlərin keçirilməsinin yüksək əhəmiyyətini qeyd edərək uşaqların sağlam böyüməsi üçün qidalanma və gigiyena vərdişlərindən düzgün istifadə edilməsinin vacibliyini vurğuladılar.
Qeyd edək ki, 28 saylı uşaq bağçasında körpə fidanların düzgün və vaxtı-vaxtında qidalanmasına diqqət edilir. Tibbi müayinələr keçirilir. Bağçada uşaqların nitqinin yaxşılaşdırılması və nitq geriliyinin aradan qaldırılması üçün də mühüm addımlar atılır.
Bağçanın müdiri Səfa İbrahimova öz çıxışında məktəbəqədər təhsil müəssisəsində uşaqların təlim, tərbiyəsi üçün hər cür şəraitin yaradıldığını qeyd edib. O, gələcəyimiz olan uşaqların əsl vətəndaş kimi böyüməsində pedaqoji kollektivin əməyini xüsusi vurğulayıb və onlara minnətdarlığını bildirib.
Novxanıdakı 28 saylı bağçada "düzgün qidalanma və gigiyena qaydaları" haqqında məşğələ keçirilib - VİDEO
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
