“Ulu öndər Heydər Əliyev deyirdi ki, hamımızın ümumi vəzifəmiz xalqımızda vətənpərvərlik, Vətən torpağına, millətə sədaqət, Vətən uğrunda şəhidliyə hazır olmaq hisslərini formalaşdırmaq, inkişaf etdirmək və təbliğ etməkdir. Vətənpərvərlik insanı səciyyələndirən ən mühüm keyfiyyətlərdən olduğundan onun böyüməkdə olan nəslə aşılanması, uşaq, yeniyetmə və gənclərin vətənpərvərlik ruhunda tərbiyəsi həmişə təlim-tərbiyə işinin ən mühüm istiqamətlərindən, məktəb və bağçaların ən vacib vəzifələrindən olub. Əminliklə deyə bilərik ki, bu gün Azərbaycanın bütün məktəbəqədər təhsil müəssisələrinin qarşısında duran başlıca vəzifələrdən biri məhz cəmiyyətə və dövlətə vətənini sevən, dürüst və vicdanlı şəxsiyyətlər yetişdirməkdir. Abşeron-Xızı Regional Təhsil İdarəsinin tabeliyində olan Qobu qəsəbə 16 saylı körpələr evi, uşaq bağçası bu işin öhdəsindən uğurla gəlməsi bacaran müəssisələrdən biridir.
Qeyd edək ki, uşaqların bir-biri ilə ünsiyyət qurması, onların nəyisə qavraması, hafizəsinin formalaşdırılması üçün bağça çox vacibdir. Burada həm də uşaqlara müxtəlif şeirlər, musiqilər və rəqslər öyrədilir ki, bu da azyaşlıların gələcəkdə aktiv həyata asan adaptasiya olmasına imkan verir. Elə Qobu qəsəbə 16 saylı uşaq baxçasında təhsil alan balaca fidanlar da bu qabiliyyətləri ilə göz oxşayırlar.
Abşeron rayonu Qobu qəsəbə 16 nömrəli körpələr evi uşaq bağçası 2010-cu ildən fəaliyyət göstərir. 6 qrupluq, 110 yerlik bağçada
38 nəfərlik işçi heyəti uşaqların təlim-tərbiyəsi ilə məşğul olur. Qeyd edək ki, Uşaq bağça mühitində paylaşmağı öyrənir, dostları ilə daha çox ünsiyyətdə olur. Bağçaya gedən uşaqda artıq məktəb dövründə müəyyən inkişaf özünü göstərir, məktəbə hazır vəziyyətdə gəlir, sisoal fobiyası olmur. Buna görə də bağçanın rolu uşağın həyatında əvəzolunmazdır. Çəkiliş apardığımız 16 saylı bağçada uşaqların fiziki, əqli cəhətdən yaxşı inkişaf etməsi, özünə inamlı olması və nitq qabiliyyətinin formalaşması üçün müxtəlif tədris proqramları həyata keçirilir.
Bir sözlə, çəkiliş apararkən 16 saylı uşaq bağçasının başda rəhbərlik olmaqla bütün işçilərinin burada təhsil alan azyaşlılara əsl valideyn qayğısı göstərdiklərinin şahidi olduq. Bu, gələcəyimizin əmin əllərdə olduğunu bir daha sübuta yetirir.
Qobu qəsəbəsindəki 16 saylı bağçada vətənpərvərlik bir nömrəli vəzifə kimi qarşıya qoyulub - VİDEO

Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.