Məktəbəqədər təlim-tərbiyə uşaqların gələcəyi üçün ən məqsədəuyğun başlanğıcdır. Bağçaların əsas təyinatı uşağı ətraf aləmlə tanış etmək, ibtidai təhsilə dəstək üçün ilkin məlumat bazası yaratmaq, rəngləri, fiqurları tanıtmaq, normal ünsiyyət və etiket qaydalarını öyrətmək, fiziki və zehni sağlamlığı qorumaqdır. Məhz bu üzdən məktəbəqədər təhsil müəssisələri həyata ən yaxşı başlanğıc olaraq xarakterizə edilir. Ümumiyyətlə, insanların təlim və tərbiyəsinin əsası körpəlikdə qoyulur. Xüsusilə də bağçaların həyatımızdakı rolu bu baxımdan danılmazdır. Buna görə də hər bir uşağın böyümə ərəfəsində yolunun bağça ilə kəsişməsi onun şansı kimi qiymətləndirilir. Öz təlim-tərbiyə üsulu və tədris metodu ilə seçilən məktəbəqədər təhsil müəssisələrindən biri də Abşeron-Xızı Regional Təhsil İdarəsinin tabeliyində olan və Xırdalan şəhərində yerləşən saylı körpələr evi, uşaq bağçasıdır.
Bağça 2014-cü ilden fəaliyyət göstərir. Altı qrupdan ibarət olan müəssisədə 12 tərbiyəçi müəllim balaca fidanların təlim-tərbiyəsi ilə məşğul olur. Məktəbəqədər təhsil müəssisəsində uşaqların əqli və fiziki inkişafı, eləcə də aktivliyinin artırılması, əlamətdar günlərdən, dövlət əhəmiyyətli hadisələrdən xəbərdar olması, bir sözlə, maariflənməsi üçün müxtəlif tədbirlər keçirilib. Yaşıl Dünya Naminə Həmrəylik İli, Zəfər Günü və digər tədbirlərini misal göstərmək olar. Bu tədbirlərin hər biri uşaqlar təırəfindən maraqla qarşılanıb və xatirələrində dərin iz buraxıb.
Qeyd edək ki, 24 saylı körpələr evi, uşaq bağçasında həm də balaca fidanların bədii zövqünü oxşamaq üçün maraqlı məşğələlər keçirilir və nağıl saatları təşkil olunur. Bu dəfə də bağçada fransız yazıçısı Şarl Perronun “Qırmızı Papaq”, eləcə də Abdulla Şaiqin “Tıq-tıq xanım” nağılları səhnələşdirilib. Uşaqlar nağıl personajlarına uyğun geyimlərdə əsl tamaşa göstəriblər. Səhnəciklər, uşaqların yaratdığı obrazlar maraq və heyrət dolu nəzərlərlə izlənilib. Balaca aktyorlar bütün rolların öhdəsindən layiqincə gəlməyi bacarıblar. Nağıllar aləminə səyahət uşaqların da çox xoşuna gəlib.
Xırdalandakı 24 saylı bağçada uşaqların maariflənməsi üçün müxtəlif tədbirlər keçirilib-VİDEO
Xəbər xoşunuza gəlib? Sosial şəbəkələrdə paylaşın
Digər xəbərlər
Son xəbərlər, Azərbaycanda və Dünyada ən aktual hadisələr Oxu.az Xəbər Saytında
“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir.
Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.
Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün Oxu.Az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.
